Latest News

શ્રીજી ઐશ્વર્યધામ મૂર્તિ પ્રતિષ્ઠા મહોત્સવ પ્રસંગે નાયબ મુખ્યમંત્રી શ્રી નીતીનભાઈ પટેલે હાજરી આપી

શ્રીજી ઐશ્વર્યધામ મૂર્તિ પ્રતિષ્ઠા મહોત્સવ પ્રસંગે નાયબ મુખ્યમંત્રીશ્રી નિતીનભાઈ પટેલે હાજરી આપી હતી. અને તેમનાં હાથે ગોકુલધામનાર એપ્લીકેશનનું વિમોચન કરવામાં આવ્યું. તેમજ તેમણે તેમનાં પ્રવચનમાં જણાવ્યું કે ગોકુલધામની સેવાકીય પ્રવૃત્તિથી સરકારને મદદ મળે છે. જેથી સરકાર એટલા બધા કામો કરી ના શકે પરંતુ આવા સંતો મારફતે સ્વેચ્છિક સંસ્થામાં ધાબળા વિતરણ, ટ્રાયસીકલ વિતરણ, ચંપલ વિતરણ, વૃક્ષારોપણ, ફરતુ દવાખાનાં વડે આરોગ્યની સેવાઓ સંસ્થા કરે છે. તે પ્રસંશનીય કામગીરી કરી રહી છે. જેને હું બિરદાવું છું. વડતાલધામનાં સંતો સમગ્ર ગુજરાત તેમજ ગુજરાત બહાર પણ ગુરુકુળો દ્વારા સંસ્કાર સિંચન કરીને સમાજની યુવા પેઠીનું ઘડતર કરી રહ્યા છે અને સમાજની આરોગ્યની સેવાઓ, ફરતા દવાખાના તેમજ હોસ્પિટલો મારફતે કરી રહ્યાં છે. સમાજની જે જરુરિયાતો છે તે આ સંતો પારખે છે. જરુરિયાતમંદ જન સમાજની સર્વજ્ઞઆતિય દિકરીઓનાં સમૂહલગ્ન યોજી તેમની આર્થિક સ્થિતિ સબળ બને તેવા પ્રયત્નો કરે છે. યાત્રાધામો ખરેખર સેવાના ધામો બનવા જોઈએ તેની શરૂઆત ગોકુલધામ જેવી સંસ્થાઓથી પ્રારંભ થઈ ગયો છે. ગોકુલધામમાં શ્રીજી ઐશ્વર્યધામને કેન્દ્રમાં રાખી લોક સેવા , જનસેવાની લોક કલ્યાણની પ્રવૃત્તિઓ ફૂલે્ તેવી શુભેચ્છા પાઠવું છું.